Петропавл қаласы әкімдігінің шенеунігі пара алды деген күдікке ілінді

Солтүстік Қазақстан облысы бойынша Сыбайлас жемқорлыққа қарсы қызметі Петропавл қаласы әкімдігінің Кәсіпкерлік, ауыл шаруашылығы және ветеринария бөлімі басшысының қылмыстық әрекетінің жолын кесті , деп хабарлайды 7152.kz тілшісі.

Шенеунік мемлекеттік сатып алу туралы шарт бойынша орындалған жұмыстардың актілеріне кедергісіз қол қойғаны үшін күзет агенттіктерінің бірінің директорынан 150 мың теңге көлемінде пара алды деген күдікке ілінді.

- Сотқа дейінгі тергеп-тексерудің мән-жайы тергеу мүддесінде жария етілмейді. Күдіктілерге қатысты түпкілікті шешімді олардың кінәсінің дәрежесін анықтай отырып, сот шығарады,- деп хабарлады СҚО бойынша Сыбайлас жемқорлыққа қарсы қызмет.

Тағы да оқыңыздар:Облыста 3 мектеп карантинге жабық