Мектептерде 142 сынып қашықтан оқып жатыр

Облыста соңғы екі аптаның ішінде 166 оқушы коронавирус жұқтырған. Қазіргі уақытта 242 дәрігерлердің бақылауында, олардың 24-і ауруханада ем алып жатыр.  Жағдайлары орташа, деп хабарлайды 7152.kz тілшісі. 

Бүгінде облыста коронавируспен ауырғандарға арналған 1600 орын бар. 691 адам стационарларда ем алып жатыр. Емдеу мекемелері 43 %-ға толық. Бөлімшелерде 115 жансақтау орындары болса, қазір онда 51 сырқат емделуде.  

-Жағдай қиын. Ауырғандар және ауруханаға түсетіндер саны да артқан. Жаңа «дельта» штамына байланысты балалар арасында да коронавирусты жұқтыру жиілеген. Қазіргі уақытта 242 бала дәрігерлердің бақылауында, олардың 24-і ауруханада ем алып жатыр, жағдайлары орташа, - деді Күсемісов.

Мамандар оқушыларға қатысты жағдайға да тоқталды. Соңғы екі аптада 166 оқушы коронавирус жұқтырған. Олармен 1987 адам байланыста болған. 78 мектептің 142 сыныбы қашықтан оқуға жіберілді.

Тағы да оқыңыздар:Облыстың жаңа бас имамы тағайындалды