Облыс әкімі коронавирусқа қарсы екпе салдырды

Облыс әкімі Құмар Ақсақалов бүгін коронавирусқа қарсы вакцинаның бірінші компонентін қойғызды, деп хабарлайды 7152.kz тілшісі.

Бұл жайында  Құмар Ақсақалов  өзінің әлеуметтік желідегі парақшасында хабарлады.

-Көктемде коронавируспен ауырып тұрдым. Белгілі бір уақыт өтті, сондықтан дәрігерлер вакцина қабылдауға кеңес берді. Ауырмау үшін мен отбасыммен екпе алуды шештік. Кеше ұлым екпе алды, ертең әйелім вакцина қабылдайды. Бүгін мен «Sputnik V» вакцинасының бірінші компонентін алдым. Мен барлығын екпе алуға шақырамын, бұл қауіпті вируспен күресудің ең тиімді әдісі. Ауырмаңыздар!, - деп жазды өңір басшысы.

Облыста 205 075 адам коронавирусқа қарсы вакцинаның бірінші компонентін алды. Ал 166 287 адам вакцинацияның толық курсынан өтті. 

Тағы да оқыңыздар: 17 мектепте күрделі жөндеу қыркүйекке дейін аяқталмауы мүмкін