Pfizer вакцинасы Қазақстанда уақытша тіркеуден өтті

Pfizer-BioNTech Comirnaty вакцинасы Қазақстанда уақытша тіркеу куәлігін алды деп хабарлайды 7152.kz тілшісі Sputnik Қазақстанға сілтеме жасап

Денсаулық сақтау министрлігінің медициналық және фармацевтикалық бақылау комитеті 23 тамызда «Комирнати» вакцинасына 8 айға уақытша тіркеу куәлігін берді. Бұл Қазақстанда осы вакцинаны ел тұрғындарына салуға рұқсат берілгенін білдіреді.

Бұған дейін Pfizer вакцинасын бірінші кезеңде 12 жастан асқан балалар мен жүкті әйелдер алатыны туралы хабарланды.

-Бастапқы кезеңде, қазанда Pfizer вакцинасы тек балалар мен жүкті әйелдер үшін қолжетімді болады, сондықтан оған сенудің қажеті жоқ. Қазір барып, вакцина салдыру керек, - деді денсаулық сақтау министрі Алексей Цой. Балаларға бұл вакцина тек ата-ана немесе заңды қамқоршысының рұқсатымен ғана салынады.

Тағы да оқыңыздар: 2022 жылдан елімізде ең төменгі жалақы мөлшері 60 мың теңге болады